aah ko chaahiye ik umr asar hone tak

aah ko chaahiye ik umr asar hone tak 
kaun jiita hai terii zulf ke sar hone tak 

daam har mauj mein hai halqaa-e-sad_kaam-e-naha.ng 
dekhein kyaa guzre hai qatare pe gauhar hone tak 

aashiqii sabr-talab aur tamannaa betaab 
dil kaa kyaa ra.ng karuu.N Khuun-e-jigar hone tak 

ham ne maanaa ke taGaaful na karoge lekin 
Khaak ho jaaye.nge ham tumako Khabar hone tak 

partav-e-Khuur se hai shabanam ko fanaa kii taaliim 
mai.n bhii huu.N ek inaayat kii nazar hone tak 

yak_nazar besh nahii.n fursat-e-hastii Gaafil 
garmii-e-bazm hai ik raqs-e-sharar hone tak 

Gam-e-hastii kaa 'Asad' kis se ho juz marg ilaaj 
shamm'a har ra.ng me.n jalatii hai sahar hone tak 

------------------------------------------------------
Ghalib : by Jagjit Singh