Apni nazaron mein bassakar na giraana mujhko

Kachi deewaar hoon, thokar na lagaana mujhko
Apni nazaron mein bassakar na giraana mujhko

Tum ko aankhon mein tassavur ki tarah rakhta hoon
Dil mein dhadkan ke tarah tum bhi basaana mujhko

Baat karne mein jo mushkil ho tumhe mehfil mein
main samajh jaoonga, nazaron se bataana mujhko

Wada utna hee karo, jitna nibha sakte ho
khwaab poora jo na ho, woh na dikhaana mujhko

Apne rishte ki nazakat ka bhram rakh lena
main to ashiq hoon, dewaana na banana mujhko

Singer : Ghulam Ali
Poet : Israar Ansari
Album : Tere Shehar Mein