Likh Likh Ke Mera Naam Mitaane Se Kya Milaa

Deewaar-o-Dar Pe Naqsh Banaane Se Kya Milaa
Likh Likh Ke Mera Naam Mitaane Se Kya Milaa

Haan, Chaudhvi Ka Chaand Bhi Sharmaa Gayaa Zaroor
Ek Diljale Ke Dil Ko Jalaane Se Kya Milaaa

Aawaargi Sahi Hai Magar Yeh Bataaiye
Uski Gali Mein Aap Ko Jaane Se Kya Milaa

Chaaragari Se Jisko Adaawat Si Hai Usey
Dil Ke Hazaar Zaqm Dikhaane Se Kya Milaaa

Jo Ho Sake To Baatiye Apni Masarratein
Yeh Sochnaa Ghalat Ke Zamaane Se Kya Milaa

:-Beautiful lines by Mehandi Hasan