Laakh Pardon Main Rahoon Bhed Mere Kholti Hai
Shayari Sach Bolti Hai
Main Ne Dekha Hai ke Jab Meri Zuban Dolti Hai
Shayari Sach Bolti Hai
…
Tera Israar K Chahat Meri Be-Taab Na Ho
Waqif Is Gham Say Mera Halka-e-Ahbaab Na Ho
Tu Mujhe Zabt Ke Sehraoon Main Kyon Rolti Hai
Shayari Sach Bolti Hai
Yeh Bhi Kya Baat K hai k Chup Chup Ke Tujhe Pyar Keroon
Gar Koi Pooch Hi Baithe To Main Inkaar Karoon
Jab Kissi Ki Baat Ko Dunya Ki Nazar Tolti Hai
Shayari Sach Bolti Hai
Main Ne Is Fiker Main Kaati Kayi Raaten Kayi Din
Meri Shayri Main Tera Naam Na Aaye Laikin
Jab Teri Saans Meri Saans Main Ras Gholti Hai
Shayari Sach Bolti Hai
: A tribute to Mehandi Hasan
No comments:
Post a Comment