Aay mohabbat tere anjaam pe rona aaya

Aay mohabbat tere anjaam pe rona aaya 
Jaane kyoon aaj tere naam pe rona aaya

Yun to har shaam umeedo.n mein guzar jaati thee
aaj kuch baat hai, jo shaam pe rona aaya

Kabhi taqdeer ka maatum, kabhi duniya ka gila
manzil-e-ishq mein, har gaam[step] pe rona aaya

jabh hua zikr zamaane' mein mohabbat ka Shaqeel
mujhko apne dil-e-nakaam pe rona aaya



-----------------------------------------
Qalaam : Shaqeel Badayuni
Singer : Begum Akhtar